21.01.2012

d'Thema vun der Ausstellung vun dessem Joer war

IKONEN

geschriwwen vun der Madame

Claudette Zeimes-Wagener

Ikonen si reliéis Biller äus der orthodoxer Traditioun. Zanter méi wi 1000 Joer faszinéieren des Biller ëmmer nees op en Neits. Dobäi gin se bis haut nach ëmmer no deenen ale Virlagen a mat deem originale Material gemoolt. Eigentlech seet een, dass se „geschriwe“ gin, well si sin Témoignagen vum Glawen, grad wi di Helleg Schrëft. Och si gëtt ëmmer nees nei ofgeschriwen, ouni dass de Redakter den Text däerf veränneren.

D’Claudette Zeimes-Wagener vun Hunchereng schreift Ikonen zanter 2005. Méi wi 300 Biller si bis haut an hirem klengen Atelier enstanen. Vill dovun sin am Besëtz vu Paaren oder vu Privatleit. Op der Äusstellung kënnt Dir Iech méi wi 30 Biller ukucken an och gäeren Informatiounen iwer Ikonen kréien.

An der Beetebuerger Gemeng bidd d’Madame Zeimes och e Cours un, an deem jidfereen eng Muttergottesikon moolt. De Cours ass all Méindes, vum 7.11. un. Umelden sollt een sech direkt beim Patrick Hurt      Tel: 51 80 80 240.